.png)
ईलाका प्रहरी कार्यालय यासोक ‘उत्कृष्ट प्रहरी कार्यालय’ घोषित
२०८०-०६-१५ गते सोमबार मा प्रकाशित
० प्रतिक्रिया
.jpg)
रमेश थापा
पाँचथरः पाँचथरको कुम्मायक गाउँपालिका केन्द्रको इलाका प्रहरी कार्यालय यासोक उत्कृष्ट प्रहरी कार्यालय घोषित भएको छ । प्रहरी कार्यालयको व्यारेक, मेष, कार्यालयको सरसफाई र अभिलेखहरुको व्यवस्थापन उत्कृष्ट भएको भन्दै जिल्ला प्रहरी कार्यालय पाँचथरले उत्कृष्ट प्रहरी कार्यालयको रुपमा सम्मान गरेको हो ।
.jpg)
नेपाल प्रहरीको विभागीय नीति निर्देशन अन्तरगत दिएको जिम्मेवारीलाई कुशलतापूर्वक सम्पन्न गर्ने सन्दर्भमा कार्यालयले गरेको अनुगमन र निरिक्षणको क्रममा असोज महिनाको उत्कृष्ट प्रहरी कार्यालयमा छनोट गरिएको जिल्ला प्रहरी कार्यालय पाँचथरले जनाएको छ ।
यस अघि पनि इलाका प्रहरी कार्यालय यासोकका प्रमुख प्रहरी नायव निरिक्षक टंक न्यौपाने उत्कृष्ट प्रहरीको रुपमा सम्मानित भएका थिए।
.jpg)
