गाजा, १७ मंशिर । कम्तिमा ६० प्यालेस्टाइनीहरू गए रातमा मात्रै इजरायलले वेस्ट बैंकबाट गिरफ्तार गरेको छ । 

प्यालेस्टिनी कैदी समाजका अनुसार इजरायलले कब्जा गरेको वेस्ट बैंकमा रातभरि छापा मारेर कम्तिमा ६० प्यालेस्टिनीहरूलाई हिरासतमा लिएको हो ।
शनिबार राति पक्राउ परेकाहरू प्रायः हेब्रोन, बेथलेहेम, जेरिको, रामल्लाह, नाब्लस र जेनिन सहरहरूमा रहनेहरू थिए। प्यालेस्टिनी वाफा समाचार एजेन्सीले गिरफ्तार गरिएकामध्ये कम्तीमा चार महिला रहेको जनाएको छ।

संयुक्त राष्ट्र मानव अधिकार कार्यालयका अनुसार पछिल्लो गिरफ्तारीले अक्टोबर ७ देखि वेस्ट बैंकमा गिरफ्तार गरिएका ३००० प्यालेस्टाइनीहरूलाई थपेको छ।

यसरी समातिएका धेरै कैदीहरूलाई प्रशासनिक हिरासतको प्रणाली अन्तर्गत कुनै पनि मुद्दा वा आरोप बिना नै राखिन्छ।

इजरायलले नोभेम्बर २४ देखि ३० सम्म हप्ता लामो युद्धविरामको अवधिमा समेत आफ्नो गिरफ्तारी अभियान जारी राखेको जनाइएको छ । यस अवधिमा इजरायलले युद्धविरामको सर्तहरू अन्तर्गत रिहा भइरहदाँको बखतमासमेत धेरै नयाँ प्यालेस्टिनी कैदीहरूलाई हिरासतमा लिए।