.png)
फाल्गुनन्दको ६ नं. वडाद्वारा ६ सय २ घरधुरीलाई ड्रम र बाल्टी बितरण
२०७८-१२-०१ गते मंगलबार मा प्रकाशित
० प्रतिक्रिया
रमेश थापा यासोक
यासोक- पाँचथरको फाल्गुनन्द गाउँपालिका-६ नम्बर वडा कार्यालयले ड्रम र बाल्टी बितरण गरेको छ । सोमवार वडा कार्यालयमा एक कार्यक्रमको आयोजना गरी वडाबासीलाई ड्रम, बाल्टी र सावुन बितरण गरेको हो ।
वडाका ५१ दलित घरधुरीलाई जनही पाँच सय लिटरको ड्रम र साबुन बितरण गरेको छ । त्यस्तै अन्य ५ सय ५० घरधुरीलाई धारो सहितको बाल्टी र साबुन बितरण गरिएको वडा सचिव जय बहादुर तामाङले जानकारी दिनुभयो ।
वडाको चालु आर्थिक वर्ष २०७८-०७९ को ६ लाख बजेटबाट ड्रम, बाल्टी र साबुन खरिद गरी ६ सय २ घरधुरीलाई बितरण गरेको वडा अध्यक्ष नारायण प्रसाद आङ्देम्बेले बताउनुभयो । उहाँले खानेपानीको जोहो गर्न र कोरोना भाइरसबाट बच्न नियमित साबुन पानीले हात धुनुपर्छ भन्ने सन्देश प्रवाह गर्न ड्रम, साबुन र बाल्टी बितरण गरेको बताउनुभयो ।
.JPG)
.jpg)
