.png)
काठमाडौँ, २५ फागुन:
प्रधानमन्त्री पुष्पकमल दाहाल ‘प्रचण्ड’ ले नेपालको राष्ट्रपति पदमा निर्वाचित हुनुभएकोमा रामचन्द्र पौडेललाई बधाई ज्ञापन गर्नुभएको छ । प्रधानमन्त्री दाहालले आज सामाजिक सञ्जालमार्फत राष्ट्रपति पौडेललाई बधाई दिनुभएको हो ।
“राष्ट्रको अभिभावक, संविधानको रक्षक एवं गणतन्त्रको गौरवका रूपमा यहाँको कार्यकाल अद्वितीय र अनुकरणीय रहने विश्वास व्यक्त गर्दै सङ्घीय संसद् र प्रदेशसभाका सम्पूर्ण माननीयज्यूहरूप्रति आभार व्यक्त गर्दछु”, उहाँले भन्नुभएको छ ।
नौ दलका तर्फबाट उम्मेदवार रहनुभएका पौडेल आज राष्ट्रपति पदमा निर्वाचित हुनुभएको हो । आज सम्पन्न राष्ट्रपतिको निर्वाचनमा उहाँले ३३ हजार आठ सय दुई र प्रतिस्पर्धी सुवासचन्द्र नेम्वाङले १५ हजार पाँच सय १८ मत प्राप्त गर्नुभएको थियो । –––
.jpg)
.jpeg)
