रमेश थापा
पाँचथर  पाँचथरको वासाँगुमा जारी अन्तरपालिका स्तरीय भलिवल प्रतियोगिताको सेमिफाइनलको खेलमा याङवरक गाउँपालिकालाई हराउँदै कुम्मायक गाउँपालिका फाइनलमा प्रवेस गरेको छ । दिपावलीको अवसरमा आयोजना गरिएको भलिवल प्रतियोगिताको दोस्रो दिनको अन्तिम चरणको खेलमा तीन सेटको जीत निकाल्दै कुम्मायक फाइनलमा प्रवेश गरेको हो । पहिलो सेट जितेको याङवरकले दोस्रो सेट गुमाएको थियो । त्यसपछिका लगातार दुई सेटको जित निकाल्दै फाइलनको यात्रा सुरक्षित गरेको थियो । 
मंसिर १ गते भएको क्वाटर फाइनलको दोस्रो दिनको पहिलो खेलमा तुम्बेवालाई हराउँदै फालेलुङ गाउँपालिका सेमिफाइनमा प्रवेस गरेको छ । दोस्रो खेलमा हिलिहाङलाई हराउँदै याङवरक बिजयी भएको थियो । तेस्रो खेलमा फिदिम नगरपालिकालाई हराउँदै फाल्गुनन्द गाउँपालिका सेमिफाइनलमा प्रवेस गरेको थियो । प्रतियोगिताको अन्तिम चरणको खेलमा याङवरकलाई हराउँदै कुम्मायक गाउँपालिका उपाधि नजिक पुगेको हो । उपाधिको लागि कुम्मायकले मंसिर २ गते फालेलुङ र फाल्गुनन्द गाउँपालिका बीच हुने सेमिफाइनल खेल पर्खनु पर्नेछ् । 
कात्तिक २९ गतेदेखि सुरु भएको प्रतियोगिता मंसिर २ गतेसम्म संचालन हुनेछ ।  प्रतियोगितामा तेह्रथुम, पाँचथर र इलाम जिल्लाका १२ टीमको सहभागीता रहेको भलिवल खेल संयोजक एकान्त कुरुम्बाङले जानकारी दिए । 
प्रतियोगिताको बिजेताले नगद १ लाख १५ हजार ५१५ रुपैंयाँ सहित ट्रफि, मेडल र प्रमाणपत्र प्राप्त गर्नेछ भने् उपबिजेताले नगद ६५ हजार ५६५ रुपैयाँ सहित ट्रफि, मेडल र प्रमाणपत्र प्राप्त गर्ने आयोजक त्रिवेणी युवा क्लवले जनाएको छ ।
त्यस्तै मेलामा केलाङ प्रतियोगिता, हाक्पारे, पाःलाम् लगायतका वृहत साँस्कृतिक कार्यक्रम संचालन हुने भएको छ । केलाङ प्रतियोगितातर्फ बिजेताले नगद १७ हजार ५ सय रुपैंयाँ सहित प्रमाणपत्र पाउने छन भने् उपबिजेताले नगद १२ हजार पाँच सय रुपैयाँ सहित प्रमाणपत्र प्राप्त गर्ने त्रिवेणी युवा क्लबका अध्यक्ष यमराज आङ्देम्बेले बताए ।